TikTok-ta balaǵat sóz aıtqan Taraz turǵyny 5 táýlikke qamaldy
ASTANA. KAZINFORM – Taraz turǵyny TikTok jelisindegi tikeleı efır kezinde balaǵat sózder aıtyp, ádepsiz áreket kórsetkeni úshin ákimshilik jaýapkershilikke tartyldy, dep habarlaıdy Іshki ister mınıstrligi.
Polıtsııa qyzmetkerleri áleýmettik jelidegi tikeleı efırge nazar aýdaryp, tekserý júrgizgen.
– Polıtsııa qyzmetkerleri «Taý adam» degen atpen tirkelgen akkaýnttyń Taraz qalasynyń turǵyny Abzal Salıhovqa tıesili ekenin anyqtady, – delingen ІІM habarlamasynda.
Taraz qalasy sotynyń sheshimimen ol 5 táýlikke ákimshilik qamaýǵa alyndy.
Aıta keteıik, buǵan deıin Abaı oblysynda TikTok efırinde balaǵat sóz aıtqan boıjetken qamaýǵa alynǵan bolatyn.
