TikTok-ta balaǵat sóz aıtqan qyzylordalyq qyzdar jazalandy
QYZYLORDA. KAZINFORM – Qyzylordalyq tártip saqshylary TikTok-taǵy tikeleı efır kezinde qurbysymen birge balaǵat sózder aıtqan azamatshanyń akkaýnttyn anyqtady.
Tikeleı efır qala aýmaǵyndaǵy kafelerdiń birinde túsirilgen.
- Quqyq buzýshylar Qyzylorda qalasynyń 24 jastaǵy turǵyndary Altyn Sapı men Aızada Saılaýbaı bolyp shyqty. Áleýmettik jelide usaq buzaqylyq jasaǵany úshin olar ákimshilik jaýapkershilikke tartyldy. Sot sheshimimen árqaısysyna aıyppul túrindegi jaza taǵaıyndaldy, - delingen oblystyq polıtsııa departamentiniń habarlamasynda.
Polıtsııa áleýmettik jeliler men tikeleı efırlerde qoǵamdyq tártipti buzý jaýapkershilikten bosatpaıtynyn eske salady.
Al keshe Almatyda TikTok áleýmettik jelisindegi tikeleı efır kezinde balaǵat sózder aıtqan eki qyz ákimshilik jaýapkershilikke tartyldy.
