TikTok-ta áskerılerdiń qazasyna qatysty orynsyz pikir aıtqan turǵyn jazalandy
ShYMKENT. KAZINFORM – TikTok-ta qoǵamǵa qurmetsizdik tanytatyn sózder aıtqan Shymkent turǵyny qamaýǵa alyndy.
Polıtsııa qyzmetkerleri áleýmettik jelilerge monıtorıng júrgizý barysynda TikTok jelisindegi tikeleı efırdi anyqtady.
Efır kezinde Shymkent qalasynyń 21 jastaǵy turǵyny Berdibaı Nurahmet kórermenniń qaraly kúnge qatysty suraǵyna jaýap berý barysynda qoǵamǵa qurmetsizdik tanytatyn sózder aıtqan. Efırge sondaı-aq 22 jastaǵy Mýsýrmanqul Abzal men Mustafa Baqdáýlet qatysqan.
– Sot sheshimimen Berdibaı Nurahmet 10 táýlikke ákimshilik qamaýǵa alyndy. Sonymen qatar úsh azamatqa da qoǵamǵa jat minez-qulyqqa jol bermeý týraly resmı eskertý berilip, olar bir aı merzimge ishki ister organdarynyń profılaktıkalyq esebine qoıyldy, – dep habarlady Shymkent qalasynyń polıtsııa departamenti.
Buǵan deıin Shymkentte TikTok-ta balaǵat sóz aıtqan tórt blogerdiń ákimshilik jaýapkershilikke tartylǵanyn habarlaǵan edik.
