TikTok Oqý-aǵartý mınıstrliginiń qoldaýymen muǵalimderge arnalǵan baıqaý jarııalaıdy
Bul týraly QazAqparat QR Oqý-aǵartý mınıstrliginiń baspasóz qyzmetine silteme jasap habarlaıdy.
Baıqaý aıasynda elimizdiń túkpir-túkpirinen oqytýshylar platformada óz páni týraly shyǵarmashylyq jáne tanymdyq beınerolıkter jarııalaýǵa shaqyrylady. Baıqaý jeńimpazdary baǵaly syılyqtarǵa ıe bolady — iPhone 13 PRO Max smartfondary.
TikTok avtorlarynyń qazaqstandyq qaýymdastyǵy tanymdyq kontenttiń kóptegen avtorlaryn biriktiredi jáne platforma qarapaıym beınerolıkter formaty arqyly óz pánine aýdıtorııany shyn júrekten qyzyqtyrýǵa múmkindik alatyn muǵalimder men oqytýshylar arasynda erekshe tanymal bolyp otyr.
TikTok-tyń #QazaqstanMuǵalimderi bastamasy oqytýshylarǵa qarym-qatynastyń jańa tásilderin ashýǵa jáne árkimge túsinikti beıne formatta óz páni boıynsha bilimmen bólisýge múmkindik beredi. Jobanyń resmı ambassadorlaryTikTok-ta tanymal muǵalimder bolady: hımık Ulan Úsenov @wannabeteacher, matematık Danııar Seńgirbaı @aks.dani jáne muǵalimder toby @jump2mars.
TikTok-ta óz jolyn endi bastaǵan oqytýshylar úshin arnaıy oqytý vebınary ótkiziledi, bul olarǵa TikTok-tyń barlyq múmkindikteri týraly bilýge jáne qoǵamdastyqtyń nazaryn aýdaratyn jarqyn beıneler jasaýdy úırenýge kómektesedi.
Baıqaýǵa qatysýǵa TikTok-ta akkaýnt ashýǵa daıyn nemese akkaýnty bar barlyq mektep muǵalimderi shaqyrylady. Baıqaý barysynda 6 qazannan 1 jeltoqsanǵa deıin pedagogtar óz pániniń taqyryby boıynsha tanymdyq beınerolıkter jarııalaýy qajet. Rolıkterdiń kem degende 30 sekýndqa sozylýy mańyzdy, al olardy jarııalaý kezinde baıqaýdyń #QazaqstanMuǵalimderi heshtegi paıdalanylýy tıis.
«Bizdiń elimizde pándik sabaqtaryn, bilim men ǵylymdy ilgeriletý úshin áleýmettik jeliler men beıne platformalardy qoldanatyn kóptegen pedagogtar bar. Osynyń arqasynda onlaın-formatta eldiń ár túkpirinen kelgen paıdalanýshylar jańa bilim alady. TikTok jetekshi platformasynyń ókilderi bizdiń pedagogtardyń bastamalaryn baǵalap, qazaqstandyq muǵalimder úshin konkýrstar uıymdastyratyny qýantady. Bul TikTok alańynda bilim berý kontentin birlesip ilgeriletý úshin qosymsha yntalandyrý bolady», - dep atap ótti Oqý-aǵartý mınıstrliginiń baspasóz hatshysy Móldir Ábdýálıeva.
Quramyna jobanyń elshileri, TikTok platformasynyń jáne Oqý-aǵartý mınıstrligi kiretin qazylar alqasynyń músheleri qatysýshylardy úsh nomınatsııa boıynsha baǵalaıdy:
• Eń kreatıvti muǵalim. Marapatty belgili bir taqyrypty qysqasha, túsinikti jáne kreatıvti túsindire alǵan avtor alady. Nomınatsııany platformadaǵy eń kreatıvti muǵalimderdiń biri - hımııa pániniń muǵalimi jáne stýdentterdi óz pánine qalaı qyzyqtyrý kerektigin jaqsy biletin anıme jankúıeri Ýlan Úsenov @wannabeteacher usynady.
• Jańa muǵalim Jeńis baıqaý kezinde jańa akkaýnty eń kóp qaralymǵa ıe bolǵan muǵalimge beriledi. Nomınatsııanyń ambassadory jas matematıka muǵalimi Danııar Sengırbaı @aks.dani bolady.
• Úzdik beınerolık. Heshtegi bar beınerolıgi baıqaý kezinde eń kóp qaralymǵa ıe bolǵan muǵalim jeńimpaz bolady. Nomınatsııany @jump2mars jobasy usynady, ol Qazaqstandaǵy TikTok-ta tanymdyq kontentti alǵashqylardyń biri bolyp tanymal ete bastady jáne onyń rolıkteri júzdegen myń laık jınaıdy.
Baıqaý jeńimpazdary iPhone 13 PRO Max smartfondaryn, sondaı-aq TikTok kontent jazýshylary retinde damýyn jalǵastyrýǵa kómektesetin Daryndardy damytý baǵdarlamasyna shaqyrý alady.
Foto: tiktok.com
