TikTok negizin qalaýshy Qytaıdyń eń baı adamy boldy
ASTANA. KAZINFORM –ByteDance kompanııasynyń negizin qalaýshy 41 jastaǵy Chjan Imın Qytaıdaǵy mıllıarderler reıtınginde kósh bastady. Onyń baılyǵy 49,3 mlrd dollarǵa baǵalanǵan, dep habarlaıdy Kazinform-nyń menshikti tilshisi.
ByteDance-tiń tabysy ótken jyly 30 paıyzǵa ósip, 110 mlrd dollarǵa jetti, al AQSh-taǵy TikTok qosymshasyn paıdalanýshylar sany 200 mln-ǵa jaqyndady.
Bótelkedegi sý óndirisi boıynsha magnat, 70 jastaǵy Chjýn Shanshan sońǵy úsh jylda alǵash ret birinshi orynnan ekinshi orynǵa syrǵydy
Úshinshi orynda – Tencent negizin qalaýshy Ponı Ma. Onyń dáýleti 44,4 mlrd dollarǵa balaǵalanǵan. Ótken jyldyń sońyna qaraı WeChat qosymshasyn paıdalanýshylar sany 1,3 mlrd-qa jetti.
Hurun nusqasy boıynsha, Qytaıdaǵy dollarlyq mıllıarderler sany 142-ge azaıyp, 753 adamdy quraǵan.
Buǵan deıin tanymal áleýmettik jelini Reseıde buǵattaý usynylǵan bolatyn. Al Qyrǵyzstannyń Mádenıet, aqparat, sport jáne jastar saıasaty mınıstrligi el aýmaǵynda TikTok áleýmettik jelisin buǵattaý týraly sheshim qabyldady. Qazaqstanda da resýrsty buǵattaý týraly pikirtalastar júrip jatyr. Óziniń depýtattyq saýalynda senator Álisher Satvaldıev TikTok platformasynda jaǵymsyz kontenttiń taralýy máselesin kóterdi. Májilis depýtaty Erlan Saırov ta qazaqstandyqtardyń TikTok qoldanýyn shekteýge shaqyrdy.
Eýropalyq komıssııa «Tsıfrlyq qyzmet kórsetý týraly» zań (DSA) boıynsha TikTok-qa qarsy resmı is júrgizýdiń ekinshi raýndyn bastady.
