TikTok Qytaıdaǵy eń qundy brendke aınaldy
ASTANA. KAZINFORM – TikTok/Douyin TOP 500 brend tizimi boıynsha Qytaıdaǵy eń qundy brend atandy. Bul týraly Brand Finance habarlady.
TikTok Qytaıdyń ónerkásiptik-kommertsııalyq bankin (ICBC) basyp ozdy. Onyń quny 3%-ǵa ósip, 71,8 mıllıard dollarǵa jetti. Al, WeChat qytaılyq brendter arasyndaǵy eń myqty brend boldy.
Qytaıdaǵy meıramhana sektorynda AAA+ belgisi bar eń kúshti meıramhana brendi boıynsha Haidilao úzdik shyqty. Odan keıingi orynǵa Luckin Coffee jaıǵasty.
Atalǵan eldegi úzdik avtomobıl brendi BYD-tiń quny 20%-ǵa artyp, 12,1 mıllıard dollarǵa jetti. Sol sebepti reıtıngide ol kósh basynda tur. BYD elektr kólikteriniń satylymy jaǵynan 2023 jyldyń sońynda Tesla-dan asyp túskenin aıta ketken jón. Kerisinshe Tesla brendiniń quny 12%-ǵa tómendep, 58,3 mıllıard dollarǵa boldy.
