TikTok Qazaqstanda JI saýattylyǵyn arttyrýǵa baǵyttalǵan jańa bastamany iske qosty

TikTok qysqa beınerolıkterdiń jetekshi platformasy jasandy ıntellekt salasyndaǵy saýattylyqty damytýǵa, JI tehnologııasymen jasalǵan nemese ózgertilgen kontenttiń ashyqtyǵyn arttyrýǵa jáne JI spamynan qorǵanysty kúsheıtýge baǵyttalǵan jańa jahandyq bastamalardy iske qosatynyn jarııalady. Osylaısha platforma búkil álem boıynsha, sonyń ishinde Qazaqstanda paıdalanýshylarǵa jasandy ıntellektini qaýipsiz, senimdi jáne jaýapkershilikpen paıdalanýǵa kómektesýge degen umtylysyn rastaıdy.

JI adamdardyń kontentti jasaý, úırený jáne jelide tildesý ádetin ózgertken saıyn, TikTok paıdalanýshylarǵa JI áleminde senimdirek áreket etýge kómektesetin quraldarǵa, seriktestik baǵdarlamalarǵa jáne qaýipsizdik sharalaryna ınvestıtsııa salýdy jalǵastyryp otyr.

— Bizdiń pikirimizshe, adamdar TikTok-ta JI negizindegi kontentpen ózara áreketteskende kontekstti túsinýi kerek, baqylaýy jáne senimdiligi bolýy kerek. Sondyqtan biz tehnologııalardy, seriktestik jobalardy jáne bilim berý bastamalaryn damytýdy jalǵastyramyz, olar bir jaǵynan paıdalanýshylarǵa JI kontentin tanı bilýge, ekinshi jaǵynan generatıvti modelderdiń jumys prıntsıpterin túsinýge jáne olardyń múmkindikterin ózderiniń shyǵarmashylyq ıdeıalaryn jaýapkershilikpen jáne qaýipsiz júzege asyrý úshin paıdalanýǵa kómektesedi, — dep atap ótti bılik organdarymen baılanys jáne korporatıvtik máseleler boıynsha TikTok jahandyq komandasynyń JI baǵytynyń jetekshisi Tom Vargeze.

Jasandy ıntellektini jaýapkershilikpen paıdalaný 

Sarapshylardyń pikirinshe, JI-ge sanaly kózqarasty qalyptastyrýda bilim berý sheshýshi ról atqarady. Sondyqtan NAMLE medıa saýattylyq salasyndaǵy bilim berý qaýymdastyǵymen jáne JI máseleleri jónindegi sarapshy Genrı Aıdermen birlesip, TikTok paıdalanýshylarǵa JI quraldaryn jaýapkershilikpen qoldanýǵa kómektesetin jańa nusqaýlyq ázirledi.

Sonymen qatar platformada jańa bilim berý haby paıda boldy, onda paıdalanýshylar JI óndirgen kontentti taný boıynsha praktıkalyq usynystar ala alady. Tehnologııalar týraly kontent jasaýshy Gennadıı Zaharov @tsifranuty paıdalanýshylardyń TikTok-taǵy usynystar lentasynda kóretin jasandy ıntellekt kómegimen jasalǵan kontenttiń kólemin qalaı basqara alatyny týraly aıtyp berdi. Al saıahat týraly kontent jasaýshy Aset Mýrzabaev @travelove100 paıdalanýshylarǵa jasandy ıntellekt kómegimen jasalǵan kontentti kádimgi kontentten qalaı ajyratýǵa bolatynyn jáne ony qosymshaǵa júktegen kezde arnaıy belgimen belgileýdiń nelikten mańyzdy ekenin túsindiredi.

TikTok sonymen qatar platformadaǵy bilim berý kontenti arqyly jasandy ıntellekt týraly paıdalanýshylardyń bilim deńgeıin arttyrýǵa kómektesetin táýelsiz sarapshylarmen jáne NoFiltr jáne Raspberry Pi Foundation sııaqty mamandandyrylǵan uıymdarmen yntymaqtastyqty jalǵastyrýda. 2025 jyldyń qarasha aıynda iske qosylǵan baǵdarlamanyń sheńberinde paıdalanýshylarǵa JI-di jaqsyraq túsinýge jáne ony jaýapkershilikpen paıdalanýǵa kómektesetin kontent 200 mıllıonnan astam qaralym jınady. Búgingi tańda TikTok bastamany damytýǵa 4 mıllıon dollardan astam qarajat bóldi jáne onyń qamtý aýmaǵy men yqpalyn keńeıtý úshin qarjylandyrýdy jalǵastyrady. 

JI spamyna qarsy turý jáne túpnusqa kontentti qoldaý

Jasandy ıntellekt shyǵarmashylyq pen storıtellıng úshin jańa múmkindikter ashady. Alaıda tehnologııalardyń damýyna qaraı, ol túpnusqa kontenttiń avtorlaryn yǵystyratyn jáne paıdalanýshylardyń senimin tómendetetin spamdy jappaı óndirý úshin de teris paıdalanylýy múmkin. Jańa syn-tegeýrinderge tıimdi qarsy turý úshin TikTok JI spamyn jappaı jarııalaıtyn eseptik jazbalardy anyqtaýdyń jetildirilgen júıelerin synap jatyr.

Bul sheshimder platformanyń spamdy anyqtaý jáne joıý jónindegi qoldanystaǵy quraldaryn tolyqtyrady. Tek 2026 jyldyń birinshi toqsanynda TikTok búkil álem boıynsha 86 mıllıonnan astam jalǵan akkaýnttardy joıyp, osyndaı buzýshylyqtardy anyqtaý tetikterin jetildirýdi jalǵastyrdy. TikTok túpnusqa kontenttiń avtorlary sátti damyp, óz aýdıtorııasyn taba alatyn shynaıy tsıfrlyq ortany qurýǵa tyrysady.

JI kontenttiń ashyqtyǵyn arttyrý

Content Credentials júıesiniń, kreatorlardyń JI kontentin tańbalaý quraldarynyń jáne kórinbeıtin tsıfrlyq sáýle belgileri tehnologııasynyń úılesimi arqyly búgingi kúni TikTok-ta úsh mıllıardtan astam beınerolıkter JI kómegimen jasalǵan dep belgilengen. Bul paıdalanýshylarǵa beınerolık jasandy ıntellektiniń kómegimen qashan jasalǵanyn nemese aıtarlyqtaı ózgertilgenin túsinýge kómektesetin óndirilgen kontenttiń ashyqtyǵyn damytýdaǵy mańyzdy kezeń.

Eki jyl buryn TikTok platformasy Coalition for Content Provenance and Authenticity (C2PA) ázirlegen Content Credentials júıesin engizgen alǵashqy beıneplatforma boldy. Bul tehnologııa kontenttiń JI kómegimen jasalǵanyn nemese aıtarlyqtaı óńdelgenin anyqtaýǵa múmkindik beredi. Qazirdiń ózinde qol jetkizilgen jetistikterge súıene otyryp, TikTok platformasy C2PA Basqarýshy komıtetiniń quramyna kirdi. Koalıtsııanyń basqa múshelerimen birge kompanııa búkil tsıfrlyq ekojúıede JI kontentiniń ashyqtyǵyn arttyratyn tehnologııalardy keńinen engizýge yqpal etedi.

JI kómegimen paıdalanýshylardyń múmkindikterin keńeıtý

Atalǵan jańartýlar TikTok-tyń platformada JI tehnologııalaryn qaýipsiz jáne oń paıdalanýdy qamtamasyz etý boıynsha keńirek jumysynyń bóligi bolyp tabylady. TikTok Smart Split jáne AI Outline sııaqty JI negizindegi shyǵarmashylyq quraldardy ázirleýge ınvestıtsııa salýdy jalǵastyrýda, sonymen qatar paıdalanýshylarǵa JI kómegimen jasalǵan kontenttiń qanshalyqty óz arnasynda kórgisi keletinin óz betinshe retteýge múmkindik beretin «Taqyryptardy basqarý» sııaqty fýnktsııalardy synap jatyr. Mundaı tehnologııalardyń damý shamasyna qaraı platforma TikTok qaýipsizdikti qalaı qamtamasyz etetini, paıdalanýshylarǵa qyzyqty kontentti tabýǵa qalaı kómektesetini jáne shyǵarmashylyq múmkindikterin qalaı keńeıtetini týraly aqparatpen bólisýdi jalǵastyrady.

Qazaqstanda jumys isteıtin TikTok, YouTube jáne basqa da tsıfrlyq platformalar ulttyq zańnama talaptaryn, sonyń ishinde jasandy ıntellekt kómegimen jasalǵan kontentti taratýǵa qatysty normalardy saqtaýǵa mindetti. Bul týraly QR Jasandy ıntellekt jáne tsıfrlyq damý vıtse-mınıstri Baqtııar Muhametqalıev aıtqan bolatyn.