TikTok-ta ádepsiz vıdeo jarııalaǵan shetel azamatyna aıyppul salyndy
ASTANA. KAZINFORM — Astanada polıtsııa qyzmetkerleri TikTok áleýmettik jelisinde ádepsiz sózder men qoǵamdyq tártip normalaryn buzatyn sóz tirkesteri bar beınejazbany jarııalaǵan 25 jastaǵy shetel azamatyn anyqtady, dep habarlaıdy Polisia.kz.
Beınejazba Astanadaǵy Máńgilik El dańǵylynda ornalasqan Trıýmfaldy arka aýmaǵynda túsirilgen. Vıdeo keıin áleýmettik jelide jarııalanǵan.
Beınejazba avtory Angelına Vanınaǵa sot sheshimimen 20 AEK mólsherinde aıyppul salyndy.
— Polıtsııa azamattardy qoǵamdyq oryndarda qoǵamdyq tártip normalaryn saqtap, ádepti minez-qulyq tanytýǵa shaqyrady. Quqyqqa qaıshy nemese qorlaıtyn mazmundaǵy kontentti jarııalaý Qazaqstan Respýblıkasynyń zańnamasynda kózdelgen jaýapkershilikke ákep soǵýy múmkin ekenin eskertedi, — delingen aqparatta.
Aıta keteıik, elimizde sońǵy eki jylda onlaın-platformalardan balaǵat sózder bar 161 materıal anyqtaldy. Óshirilgen kontent sany boıynsha TikTok kósh bastap tur.
