TikTok, Instagram jáne Telegram: 29 qoldanýshy ne úshin qamaýǵa alyndy
ASTANA. KAZINFORM — «Super Vision» monıtorıng ekojúıesiniń jobasy ázirlenip jatyr. Bul týraly Quryltaı depýtattarynyń saýalyna jaýap bergen Іshki ister mınıstri Erjan Sádenov málim etti.
— Áleýmettik jelilerdegi (TikTok, Threads, Instagram, Telegram, Facebook) quqyqqa qaıshy kontentti anyqtaý boıynsha júıeli jumys sheńberinde Aqparattyq saıasat departamenti 184 akkaýntty tekserdi. Olardyń nátıjeleri boıynsha 86 paıdalanýshy ákimshilik jaýapkershilikke (56 adam — aıyppul, 29 adam — qamaýǵa alý, 1 adam — qoǵamdyq jumystar) tartyldy, — dedi Erjan Sádenov.
Sonymen qatar mınıstr Qazaqstan Respýblıkasy Úkimeti Apparatynyń tapsyrmasyn oryndaý aıasynda onlaın-platformalardan jáne BAQ ashyq derekkózderinen aqparatty jınaý men taldaýdy avtomattandyrýǵa arnalǵan «Super Vision» monıtorıng ekojúıesiniń jobasy (ázirleý satysynda) iske asyrylyp jatqanyn atap ótti.
Buǵan deıin Erjan Sádenov onlaın-ortada sýrettik beınesin zańsyz paıdalanǵany jáne balaǵattaǵany úshin azamattardyń shaǵym berý tártibin jetildirý qajettigin aıtqan edi.
