TikTok bas dırektory Tramptyń ınaýgýratsııasyna qatysýy múmkin – New York Times

ASTANA. KAZINFORM – TikTok kompanııasynyń bas dırektory Shoý Tszy Chý 20 qańtarda AQSh-tyń jańadan saılanǵan prezıdenti Donald Tramptyń ulyqtaý rásimine qatysýdy josparlap otyr, dep habarlaıdy Agenzia Nova basylymy.

Bul týraly New York Times gazeti qupııa derekkózderge súıene otyryp habarlaǵan.

Shoý Tszý Chý burynǵy prezıdentter, olardyń otbasylary jáne mańyzdy qonaqtarmen qatar ınaýgýratsııa rásimine qatysady dep kútilýde.

Іs-sharaǵa sonymen qatar Meta bas dırektory Mark Tsýkerberg, Tesla jáne SpaceX negizin qalaýshy jáne bas dırektory Ilon Mask, Amazon Group negizin qalaýshy jáne tóraǵasy Djeff Bezos qatysady.

Saltanatty sharaǵa TikTok bas dırektorynyń qatysýyn qytaılyq ByteDance kompanııasy áli rastaǵan joq.

Bul jańalyq AQSh-ta TikTok tap bolǵan qıyndyqtarǵa baılanysty. Kongress qabyldaǵan jáne prezıdent Djo Baıden ulttyq qaýipsizdikke baılanysty qol qoıǵan zańǵa sáıkes platformaǵa kelesi jeksenbide tyıym salynýy múmkin.

Alaıda, The Washington Post silteme jasaǵan anonımdi derekkózderdiń habarlaýynsha, Donald Tramp platformany «qutqarýdyń» birneshe nusqasyn qarastyrýda, sonyń ishinde zańdy 2-3 aıǵa ýaqytsha toqtata turý týraly jarlyqqa qol qoıý jospary da bar.

Ótken aıda Tramp TikTok-qa «jyly qabaq» tanytatynyn bildirip, platformanyń jastar arasyndaǵy tanymaldylyǵyn atap ótti. Onyń aıtýynsha, qarashada Kamala Harrısti jeńýinde TikTok mańyzdy ról atqardy. Ol sondaı-aq AQSh Joǵarǵy sotyn TikTok-qa tyıym salý týraly sheshim qabyldamaýǵa shaqyrdy.

Aıta keteıik, Qytaı bıligi TikTok-ty Ilon Maskke satýy múmkin.