TikTok AQSh úkimetin sotqa berdi
ASTANA. KAZINFORM – TikTok jáne ByteDance kompanııasy AQSh prezıdenti Djo Baıden qol qoıǵan tyıymǵa qarsylyq bildirý úshin el úkimetin sotqa berdi. Bul týraly «Amerıka daýysy» habarlady.
ByteDance ókilderi bul zań sóz bostandyǵyn qorǵaıtyn Konstıtýtsııaǵa engizilgen birinshi túzetýdi buzady dep otyr. AQSh-ta qabyldanǵan zań qytaılyq ByteDance kompanııasyna 8 aıdan az ýaqyt ishinde TikTok-tyń amerıkandyq bóligin satýǵa májbúr etedi, áıtpese elde baǵdarlamaǵa tyıym salynady.
TikTok jáne ByteDance ókilderi aktıvterdi satý kommertsııalyq, tehnologııalyq nemese zańdy túrde múmkin emes deıdi.
«Bul zań TikTok-ty 2025 jyldyń 19 qańtaryna deıin shekteıtinine jáne platformany baılanys úshin paıdalanatyn 170 mıllıon amerıkalyqtardyń únsiz qaldyratynyna kúmánimiz joq», - dedi ByteDance ókilderi.
Jańa zańǵa sáıkes, eger kompanııa sharttardy oryndamasa, Apple men Google paıdalanýshylarǵa TikTok qoldanbasyn usyna almaıdy. Internet-hostıng qyzmetterine de qosymshany qoldanýǵa tyıym salynady. Zań AQSh Kongresi TikTok ulttyq qaýipsizdikke qater tóndirýi múmkin degen alańdaýshylyq bildirgennen keıin qabyldandy. Amerıkalyq zań shyǵarýshylar Qytaı bıligi amerıkalyqtar týraly derekterdi qoldanba arqyly jınaı alady dep senedi.
Sotqa joldanǵan shaǵymda ByteDance kompanııasy TikTok-ty májbúrlep satýǵa «túbegeıli qarsy» jáne qoldanbanyń eń qundy bóligi sanalatyn TikTok algorıtmin eksporttaýǵa ruqsat bermeıtinin aıtqan.
Qujatqa sáıkes, TikTok paıdalanýshy derekterin qorǵaý sharalaryna 2 mıllıard dollar jumsaǵan. Sondaı-aq kompanııa AQSh-qa 90 bettik Ulttyq qaýipsizdik týraly kelisim jobasynyń sharttaryn buzǵan jaǵdaıda qoldanbany toqtata turý quqyǵyn beretin «joıý optsııasymen» kelisti.