TikTok AQSh-taǵy qosymshalar dúkenderinde qaıta paıda boldy

ASTANA. KAZINFORM – Qytaılyq TikTok qocymshasy AQSh-taǵy paıdalanýshylar úshin Apple Store jáne Google Play dúkenderinde qaıta paıda boldy, dep habarlaıdy VVS.

Buǵan deıin prezıdent Tramp TikTok-qa tyıym salýdy keıinge qaldyrǵanyn jazǵan bolatynbyz.

Kongresste eki jaqty daýys berý arqyly qabyldanǵan zań jobasy TikTok-tyń ıesi qytaılyq ByteDance-ten óz jelisiniń AQSh-taǵy bóligin beıtarap kompanııaǵa satýdy talap etedi. Áıtpese, TikTok-qa AQSh-ta tolyq tyıym salynady delingen.

AQSh-ta 170 mln-nan astam qoldanýshysy bar áleýmettik jeli qańtar aıynda zańmen belgilengen merzimge deıin AQSh-ta qysqa ýaqytqa óshirildi.

Sodan keıin Donald Tramp AQSh-ta TikTok-qa tyıym salýdy talap etetin zańnyń oryndalýyn 75 kúnge keıinge qaldyratyn jarlyqqa qol qoıdy.

TikTok-tyń qosymshalar dúkenderine qaıtyp oralǵany týraly alǵash ret habarlaǵan Bloomberg agenttiginiń málimetinshe, Apple men Google Tramp ákimshiliginen bul áreketi úshin aıyptalmaıtyny týraly kepildik alǵannan keıin ony qaıtarýǵa sheshim qabyldady.

Buǵan deıin amerıkalyq mıllıarder TikTok-ty satyp alý nıeti týraly habardy joqqa shyǵardy.