Tıkrıtte bolǵan lańkestiktiń saldarynan 60 adam qurban boldy
ASTANA. 19 qańtar. QazAqparat - Iraktyń Tıkrıt qalasynda seısenbi kúni oryn alǵan lańkestik áreket 60 adamnyń ómirin qıyp ketti,
taǵy 140 adam túrli jaraqat aldy. Bul týraly eldiń kúsh-qýat qurylymdaryna silteme jasap ITAR-TASS agenttigi habarlaıdy.
Jankeshti óziniń denesine baılanǵan bombany polıtsııa ortalyǵynda, quqyq qorǵaý organdarynyń qataryna jumysqa turýǵa jınalǵan adamdardyń tobynyń ishinde iske qosqan. Qaza bolǵandardyń qatarynda birneshe tártip saqshysy da bar. Jarylys saldarynan jaqyn mańda ornalasqan maı quıý stansysy da janǵan.
Jaralylardyń kóbisi aýyr jaǵdaıda gospıtalderge jetkizilgen, sondyqtan da dárigerler qurban bolǵandardyń sany áli de ósý yqtımaldyǵyn joqqa shyǵarmaı otyr.
