Tikesinen tik júretin aıý ǵalamtor juldyzyna aınaldy (VIDEO)
ASTANA. QazAqparat - AQSh-ta ǵalamtor paıdalanýshylary adam sekildi tik júretin aıý túsirilgen vıdeony keńinen talqylaýda. Aıýdy kórip beınejazbaǵa túsirip alǵan kýáger shaǵyn rolıkti Feısbýkte jarııa etti.
AP agenttiginiń habarlaýynsha, vıdeo eldiń Oýk-Rıdj (Nıý-Djersı shtat) qalasynda 20 maýsymda túsirilgen. Vıdeoda azıaq izdep úılerdiń arasyn timiskilegen eki aıaǵymen tik júrgen qońyr aıýdy kórýge bolady.
Bul aıý byltyr shilde aıynda jurt nazaryna ilikken.
Sonda qońyr janýardyń amalsyzdan eki aıaǵymen tik júretindigi belgili boldy. Aıýdyń aldyńǵy oń aıaǵynyń basy joq, sol aıaǵy da jaraqat alǵan. Sol sebepti jyrtqysh tórt aıaǵyn teń basa almaıdy.
Biletinderdiń aıtýyna qaraǵanda, aıý kólik qaǵyp ketip jaraqat alǵan.
Keıin aıý qysqa qaraı jurt kózine túspeı ketti. Belsendiler ol qystan tiri shyqpady dep alańdaǵan. Sońǵy beınejazbada aıý tyń ári kúıli ekendigi kórinip tur.
