Tikeleı halyqaralyq áýe reısteriniń sanyn arttyrý qajet – Toqaev
NUR-SULTAN. QazAqparat – Elordadan tikeleı halyqaralyq áýe reısteriniń sanyn arttyrý qajet. Bul týraly Nur-Sultan ákimdiginde ótken qalany odan ary damytý máseleleri jónindegi májiliste Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Halyqaralyq áýe qatynastary sanyn arttyrý mańyzdy másele sanalady. Qazirgi ýaqytta Nur-Sultannan halyqaralyq baǵytta 30-dan az tikeleı reıs oryndalady. Bul – jetkiliksiz», - dedi Memleket basshysy.
Qazaqstan Prezıdentiniń aıtýynsha, elorda ózin halyqaralyq ortalyq retinde kórsetip otyr.
«Áýeni ashý qajet. Bul – meniń Úkimetke tapsyrmam. Eń tanymal, eń bedeldi kompanııa bolsa-daǵy betinen qaǵýdan qoryqpaý kerek. Áýeni ashý kerek», - dedi Q.Toqaev.
