Tik júrý adamnyń qýatyn arttyryp, densaýlyǵyn jaqsartady
ASTANA. QazAqparat - Eger adam jumysta eńkish tartyp, búkireıip otyratyn bolsa ol depressııaǵa beıim bolyp, tez sharshaıdy. Ondaı adamnyń júıkesi juqaryp, ashýshań keledi. Osy máselege qatysty ǵalymdar arnaıy zertteýde 74 adamdy synap kórip, odan qutylýdyń jolyn kórsetti, dep jazady The Daily Mail.
Búkireıip otyrǵannan adam aǵzasy ózine qajetti dúnıelerdi durys ala almaıdy. Qan aınalymy álsirep, mıǵa aýa tolyq jetpeı, bas aýyrady. As qorytý júıesi de syr berip, uıqy basady. Ondaıda adam tereń tynystap dem ala almaıdy. Osydan keıin, adam kúızeliske ushyrap, minezi buzylady. Árıne, er adamnyń da qýaty kemıdi. Osyny ábden saralaǵan zertteýshiler 72 adamdy eki topqa bólip, zertteý júrgizedi. Synaq ýaqytynda olardyń biri ádettegideı jumysta eńkish tartyp otyrsa, ekinshi top arqasyn tik ustap otyratyn bolady. Nátıjesinde omyrtqasyn túzý ustaǵandardyń eńsesi kóterilip, boıynda qýat artqanyn sezgen. Al, búkireıgen top aýyrlyq basqan kúıi sol baıaǵy qalyptarynan artyq esh ózgeris sezbegenin aıtady jáne olardyń 92 paıyzynan tik otyrmaǵandyqtyń kesirinen oıy shaban tartyp, belsendilik az bolatynyn bildirtken. Ǵalymdar aıtýynsha, arqany tik ustaý talaı aýrýdyń aldyn alady.
