Tıisti baǵdarlama qabyldanǵannan keıin ǵana elimizde atom elektr stansasyn salý týraly aıta alamyz - D.Turǵanov
ANA. 29 naýryz. QazAqparat /Arman Asqarov/ - Qazaqstannyń atom salasyn damytý baǵdarlamasy aǵymdaǵy jyldyń ekinshi jartysynda qabyldanýy múmkin.
Bul týraly búgin Qazaqstandaǵy atomdyq salany damytý máselelerine arnalǵan halyqaralyq konferentsııa aıasynda jýrnalısterge suhbat bergen QR Indýstrııa jáne jańa tehnologııalar vıtse-mınıstri Dúısenbaı Turǵanov aıtty.
Onyń sózine qaraǵanda, qazirgi kezde Japonııada bolǵan apatty eskere otyryp, atalǵan baǵdarlamany jetildirý jumystary júrgizilýde. «Biz reaktorlar jumysynyń qaýipsizdigi máselesine erekshe mán beretin bolamyz. Menińshe, jazǵa qaraı, ıaǵnı 2-3 aıdyń ishinde biz barlyq eskertýler men usynystardy egjeı-tegjeıli qarastyryp, jyldyń ekinshi jartysynda bul baǵdarlamany qabyldaıtyn bolamyz. Osy qujat qabyldanǵannan keıin ǵana biz atom elektr stansasyn salý týraly naqty aıta alamyz», - deıdi D.Turǵanov.
