Tıimsiz sýbsıdııalardan bas tartyp, nátıjege baǵdarlanǵan sýbsıdııalarǵa kóshemiz - AShM
«Qazir Jobalyq ofıs arqyly «Atameken» ulttyq kásipkerler palatasy alańynda satyp alýdaǵy jergilikti qamtýdyń naqty paıyzy talqylanýda. Mektepter, balabaqshalar, aýrýhanalar, ásker jáne basqa da memlekettik jáne kvazımemlekettik uıymdar otandyq tamaq ónimderin jáne tamaqtandyrý qyzmetterin qazaqstandyq qamtý shartymen satyp alýy tıis. Sondaı-aq otandyq óndirýshilerdi qoldaý jáne durys tamaqtaný men salaýatty ult qalyptastyrý maqsatynda «Mektep almasy», «Mektep súti», «Mektep baly» sııaqty baǵdarlamalardy engizý kerek», - dedi mınıstri Parlament Májilisindegi Úkimet saǵatynda.
Onyń sózine qaraǵanda, aýyl sharýashylyǵy salasyna 5 jylda 4,4 trln teńge ınvestıtsııa tartý josparlanýda. Oǵan sáıkes, bıyldyń ózinde salaǵa 559 mlrd. teńge ınvestıtsııa tartylatyn bolady, bul rette 94 joba iske asyrylady.
«Transulttyq kompanııalardy qosa alǵanda, iri ınvestorlar tartylatyn bolady. Bul elge sheteldik ınvestıtsııalardy tartyp ǵana qoımaı, sonymen birge ozyq tehnologııalardy, álemdik naryqtaǵy saýda baılanystaryn tartýǵa, qazaqstandyq mamandardyń biliktiligin arttyrýǵa jáne 12 myń jańa jumys ornyn ashýǵa múmkindik beredi. Qoıylǵan mindetterdi sapaly sheshý úshin tıimsiz sýbsıdııalardan bas tartyp, nátıjege baǵdarlanǵan sýbsıdııalarǵa kóshý arqyly qoldanystaǵy memlekettik qoldaý sharalaryn jetildirýdi usynamyz. Aıta keterligi, barlyq ózgerister budan buryn qabyldanǵan Agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasyna sáıkes júzege asyrylatyn bolady», - dep túsindirdi vedomstvo basshysy.
Atap aıtqanda, bul qujatta áýel basta-aq ósimdik sharýashylyǵynda 2019 jyldan bastap, mal sharýashylyǵynda 2020 jyldan bastap taýarlyq-spetsıfıkalyq sýbsıdııalardan arylý kózdelgen bolatyn.