Tıimdi jumys istegen memlekettik qyzmetshiler bonýstarǵa ıe bolady
KÓKShETAÝ. QazAqparat - Tıimdilik nátıjesi joǵary bolǵan jaǵdaıda memlekettik qyzmetshiler jyldyq eńbekaqy mólsherinde bonýsqa ıe bola alady. Bul týraly Aqmola oblysyndaǵy memlekettik organdardyń basshylarymen kezdesken QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń apparat basshysy Saıan Ahmetjanov aıtty, dep habarlaıdy QazAqparat tilshisi óńirlik Memlekettik qyzmet isteri jáne sybaılas jemqorlyqqa qarsy is-qımyl departamentiniń baspasóz qyzmetine silteme jasap.
Oblystyń jáne aýdandardyń memlekettik organdarynyń birinshi basshylarymen kezdesý barysynda Saıan Ahmetjanov qatysýshylardy memlekettik qyzmetshilerge faktorly-baldyq shkala negizinde eńbekaqy tóleý júıesiniń bastapqy qorytyndylarymen tanystyrdy. Jalpy bul júıe memlekettik qyzmettiń tartymdylyǵynyń jáne básekege qabilettiliginiń, qarjylyq motıvatsııanyń artýyna, sonymen qatar memlekettik apparattyń turaqtylyǵyn qamtamasyz etýge óz septigin tıgizip úlgerdi. Esterińizge sala keteıik, jańa eńbekaqy júıesin synaý agenttikte, Ádilet mınıstrliginde, Astana qalasy men Mańǵystaý oblysy ákimdikterinde júzege asyrylýda.
«Memlekettik organdardyń ishki qory esebinen memlekettik qyzmetshilerdiń eńbekaqysynyń eki esege artýy jáne ortalyq pen óńirlerdegi eńbekaqy mólsherleri arasyndaǵy úılespeýshiliktiń qysqarýy jaǵymdy mysaldardyń biri. Osylaı, óńirlerdegi qatardaǵy qyzmetker men ortalyqtaǵy qatardaǵy qyzmetkerdiń jalaqysy shamamen birdeı bolady. Memlekettik qyzmettiń tartymdylyǵy artýda: bir orynǵa búginde alty adam úmittenedi, al keıbir jaǵdaılarda tipti 60 adamǵa jetedi» - dep Saıan Ahmetjanov málimdedi.
Sonymen qatar, memlekettik qyzmetshilerdiń tıimdilik nátıjesi boıynsha olarǵa jyl sońynda 4 ese nemese odan joǵary kólemdegi eńbekaqy mólsherinde bonýs tólenedi. Tıimdilik nátıjesi joǵary bolǵan jaǵdaıda olar jyldyq eńbekaqy mólsherinde bonýsqa ıe bola alady.
Jańa júıeniń engizilýi agenttiktiń shtattyq quramy men uıymdastyrýshylyq qurylymyn ońtaılandyrýǵa óz septigin tıgizdi. Memlekettik satyp alý jáne zańnamalyq qyzmet ortalyqtandyryldy, qujat aınalymynyń bıznes-úderisteri ońtaılandyryldy. Ońtaılandyrý esebinen oryndaýshylardyń jalaqysy qosymsha artty.
«Ózgeristerdi ózińnen basta» ustanymyn alǵa tarta otyra, agenttik búgingi tańda memlekettik apparattaǵy ońtaılandyrý úrdisteriniń qozǵaýshy kúshi bolyp tabylady.
«Mysaly, eger bir barlyq memlekettik organdardyń kadrlyq úrdisterin ortalyqtandyrsaq, boljam boıynsha ońtaılandyrý shamamen 4 600 birlikti qamtyp, jyl saıyn 5,5 mlrd teńge únemdeýge múmkindik beredi» - dep atap ótti apparat basshysy.
Oǵan qosa Saıan Ahmetjanov memlekettik qyzmetshilerdi oqytýdyń mańyzdylyǵyna toqtaldy.
Sonymen qatar ol kásibı memlekettik apparattyń qazaqstandyq memlekettik qyzmetti damýdyń jańa jolyna túsiretin adal, jasampaz, tıimdi jáne shyǵarmashylyq motıvatsııalanǵan memlekettik qyzmetshilerdiń myqty komandasy ekenin aıtty.
