Tıimdi quqyq qorǵaýshylyq maqsat pen zań ústemdigi prokýratýra qyzmetiniń negizgi mazmuny bolyp tabylady - QR Bas prokýratýrasy
ASTANA. 6 jeltoqsan. QazAqparat - Búgin prokýratýra kúnine oraı Bas prokýratýrada saltanatty jınalys bolyp ótti.
Bul týraly joǵarǵy qadaǵalaý organynyń baspasóz qyzmeti habarlady.
Mereke qurmetine baılanysty jınalǵan prokýratýra organdarynyń ardagerleri men qyzmetkerleriniń aldynda Bas Prokýrordyń birinshi orynbasary Iogan Merkel sóz sóılep, qazirgi sátte AQSh pen Kanadada halyqaralyq yntymaqtastyqty uıymdastyrý máselelerimen qyzmettik saparda júrgen Bas Prokýror Ashat Daýylbaevtyń quttyqtaý jedelhatyn oqyp berdi.
Bas Prokýrordyń quttyqtaýynda atap kórsetilgendeı, prokýrorlyq qadaǵalaý qoǵam ómiriniń barlyq derlik mańyzdy salalaryn qamtıdy, al tıimdi quqyq qorǵaýshylyq maqsat pen zań ústemdigi onyń qyzmetiniń negizgi mazmuny bolyp tabylady. Prokýrorlardyń kúsh-jigeri qoǵamdaǵy áleýmettik-saıası turaqtylyqty nyǵaıtýdyń, azamattardyń eńbek jáne ekonomıkalyq quqyqtaryn qorǵaýdyń eń mańyzdy baǵyttaryna shoǵyrlandyrylǵan. Prokýratýra qyzmetkerleriniń árbir tolqyny ózderiniń kásibı sheberlikterin dáleldep jáne tańdap alǵan kásipterine adaldyq tanyta otyryp, qadaǵalaý organdarynyń qalyptasý shejiresine óz úlesterin qosyp keledi.
Saltanatty jınalys barysynda eń jyly lebizder óz ómirleriniń uzaq jyldaryn prokýratýra organdarynda qyzmet etýge jumsaǵan ardagerlerge arnaldy. Jas mamandardyń búgingi tańdaǵy tıimdi jumystaryn ardagerlerdiń sińirgen eńbegi retinde baǵalaýǵa tolyqtaı negiz bar ekeni atap ótildi. Prokýratýra organdarynda ardagerlerdiń tájirıbeleri men kásibı sheberlikteri burynǵydaı suranysqa ıe bolyp otyr.
Іs-sharanyń saltanatty bóliginen keıin prokýratýra organdary qyzmetkerleriniń kúshimen daıyndalǵan jáne Respýblıkalyq Gvardııanyń Rásimdik rotasynyń qatysýymen ótken merekelik kontsert boldy.
