Tıimdi eńbek naryǵy Qazaqstan ekonomıkasy damýynyń negizi bolyp tabylady - Sııazbek Muqashev

ASTANA. 11 naýryz. QazAqparat - Tıimdi eńbek naryǵy men kadrlardy kásibı túrde daıyndaý - Qazaqstan ekonomıkasy damýynyń negizi bolyp tabylady,

dep habarlady Pm.kz saıtyna bergen arnaıy suhbatynda Qazaqstan Kásipodaqtar federatsııasy keńesiniń tóraǵasy Sııazbek Muqashev.

 «Ótken jyly biz Jumyspen qamtý baǵdarlamasyn ilki joba retinde iske qosyp, bul máseleni halyqty jumyspen qamtýdyń jalpyulttyq saıasatyna aınaldyrý kerek ekenine kózimiz jetti», - dedi S.Muqashev.

Sonymen qatar, ol Biryńǵaı ekonomıkalyq keńistik, Keden odaǵy, DSU-ǵa qosylý aıasynda sapaly kadrlar daıarlaý kerek ekenin atap ótti.

«Sondyqtan osy másele boıynsha naqty tapsyrmalar aıtylǵan Elbasy Joldaýy men Úkimet baǵdarlamasynda memlekettik organdardyń ǵana emes, jumys berýshiler, kásipodaqtar, ózin-ózi jumyspen qamtyǵan halyqtyń kúsh-jigerin biriktirý kerek», - dedi ol.