Tıhvın vagon jasaý zaýyty qurylysynyń kredıttik jelisi 660 mıllıon dollarǵa deıin ulǵaıttyldy
ALMATY. 17 aqpan. QazAqparat /Erlik Erjanuly/ - Eýrazııa damý banki men "Damý jáne syrtqy ekonomıkalyq qyzmet banki" memlekettik korporatsııasy Lenıngrad oblysyndaǵy Tıhvın vagon jasaý zaýyty qurylysynyń kredıttik jelisin 430-dan 660 mıllıon dollarǵa deıin ulǵaıtty.
Bulardyń árqaısysy "Tıhvın vagon jasaý zaýyty" JAQ-na 330 mıllıon dollardan bólmek. Jańartylmaıtyn kredıt jelisin ashý týraly 3 jaqty kelisimge olar 2008 jyldyń qazanynda qol qoıǵan bolatyn. Qarjy kásiporyn qurlysyna, qural-jabdyqtar satyp alýǵa jáne zaýytty paıdalanýǵa berýge baǵyttalady.
Tıhvın vagon jasaý zaýyty qurylysynyń kapıtaldyq shyǵyndarynyń jalpy kólemi 1 mıllıard dollardy quraıdy. Bul Eýropadaǵy mashına jasaý salasyndaǵy eń aýqymdy ónerkásiptik nysan bolmaq. Ol aǵymdaǵy jyly kezeń-kezeńimen iske qosylady.
