Tıbettik kúshik 2 mln. dollarǵa satyldy
ASTANA. QazAqparat - Qytaıdyń Chjetszıan provıntsııasynda tıbettik mastıf ıtiniń kúshigi buryn-sońdy bolmaǵan baǵaǵa - 2 mln. dollarǵa satyldy. Kúshikti qytaılyq qurylys kompanııasynyń bastyǵy satyp alǵan eken.
Bul álem boıynsha ıttiń kúshigi úshin tólengen eń qymbat aqy deýge bolady. Tarıhı kelisim sársenbi kúni júzege asyryldy. Jalpy, tıbettik mastıfter baılardyń sanatyna jatatyn qytaılyq kásipkerlerdiń arasynda zor suranysqa ıe. Sebebi, bul ıtter arystanǵa uqsas. Sondyqtan bolar ol Qytaıda bıliktiń sımvoly bolyp sanalady. Jer betindegi eń qymbat kúshiktiń ıesi onyń tórt aıaqty «dosynyń» boıynda arystannyń qany baryna senimdi. Taza qandy tıbettik mastıf - Qytaıda panda sııaqty sırek kezdesedi ári memlekettiń ulttyq qundylyǵy bolyp tabylady. Buǵan deıin dál osyndaı kúshiktiń biri 2011 jyly bássaýdada 1,5 mln. dollarǵa satylǵan, dep jazady Vestı rý.
