Tıbettegi jer silkinisinen zardap shekkender sany 65-ke jetti
ASTANA. KAZINFORM — Qytaıdyń ońtústik-batysyndaǵy Sıtszan (Tıbet) avtonomııalyq aýdanynda bolǵan 7,0 baldyq jer silkinisinen 16 adam qaza taýyp, jaraqat alǵandar sany 65-ke jetti, dep habarlaıdy Kazinform agenttiginiń Beıjińdegi menshikti tilshisi Xinhua agenttigine silteme jasap.
Beısenbi kúni Beıjiń ýaqyty boıynsha saǵat 22:33–te tirkelgen jer silkinisiniń epıtsentri Nagchý qalasyna qarasty Batsın ýezinde boldy.
Qytaı tóraǵasy Sı Tszınpın izdeý-qutqarý jumystaryn júrgizý jáne zardap shekkenderge shuǵyl medıtsınalyq kómek kórsetý úshin barlyq qajetti resýrstardy jumyldyrýdy tapsyrdy.
Aımaqtyq tótenshe jaǵdaılardy basqarý ortalyǵynyń málimetinshe, Tıbette 2-deńgeıli tótenshe jaǵdaı jarııalandy.
Apat aımaǵyna qutqarý jáne kómek kórsetý jumystaryn úılestirý úshin arnaıy jumys toby jiberildi.
Buǵan deıin apat saldarynan 16 adam qaza taýyp, 32 adam zardap shekkeni habarlanǵan.
