Tıbette 7300 jyl buryn jabaıy qodastardy qolǵa úırete bastaǵan
ASTANA. QazAqparat - Qytaı, Ulybrıtanııa jáne Nıderlandynyń ǵylymı qyzmetkerleri zertteý jumystarynyń nátıjesinde Tsınhaı-Tıbet taýly ólkesinde jabaıy qodastardy osydan 7300 jyl buryn qolǵa úırete bastaǵandyǵy anyqtaldy.
Lanchjoýs ýnıversıtetiniń brıtandyq jáne nıderlandylyq ǵylymı-zertteý mekemelerimen birlesip ashqan bul jańalyǵy brıtandyq "Nature Communications" jýrnalynda jaryq kórdi.
Budan buryn jabaıy qodastardy úı janýarlaryna aınaldyrý 4500 jyl buryn bastaldy delinip kelgen.
Qazirgi ýaqytta Tsınhaı-Tıbet taýly ólkesinde 14 mln qolǵa úıretilgen qodastar bar, dep habarlaıdy Sınhýa.
