Qytaı-Nepal shekarasyndaǵy alapat sel: qazaqstandyq týrıst habarsyz ketkeni belgili boldy
ASTANA. KAZINFORM — Qazaqstandyq dıplomattar Nepal men Qytaı shekarasyndaǵy tabıǵı apat bolǵan aýmaqta týrıstik top quramynda júrgen Qazaqstan azamatynyń qaıda ekenin anyqtap jatyr.
Bul týraly QR Syrtqy ister mınıstrliginiń resmı ókili Janbolat Úsenov málimdedi.
— Aldyn ala aqparat boıynsha, Qazaqstan azamaty týrıstik top quramynda Nepaldan Qytaıǵa shekaradan ótken. Qazirgi ýaqytta azamatymyzdyń qaıda ekeni belgisiz. Habar-osharsyz ketken adamdardy izdeý jumystary júrgizilip jatyr. Qazaqstandyq dıplomattar jergilikti memlekettik organdarmen birlesip jumys istep jatyr, — dedi Janbolat Úsenov.
Buǵan deıin QR SІM Nepaldaǵy zardap shekkender qatarynda Qazaqstan azamattary joq dep habarlaǵan edi.
27 tamyzdaǵy málimet boıynsha, eki elde myńnan astam adam iz-túzsiz joǵalǵandar qatarynda. Olardyń arasynda júzdegen sheteldik týrıst pen dindarlar bar.
