Tıbet QazAqparat obektıvinde : Lhastan Nınchıge sapar
ASTANA. QazAqparat - Tıbet ǵalamshardyń syrtqy álem úshin jabyq ári barynsha qupııaǵa toly óńiriniń biri. QazAqparat tilshisi Lhaspen tanysqannan keıin Tıbettiń ákimshilik ortalyǵynan ońtústik-shyǵysqa qaraı 400 shaqyrym jerde ornalasqan Nınchı qalalyq okrýgine baryp qaıtqan bolatyn.
Jaqsy joldyń bolmaýy saldarynan Lhastan Nınchıge kólikpen sapar 9 saǵattan astam ýaqytty aldy.
Lhastan Nınchıge deıingi tas jol qurylysyn 2017 jyldyń sońynda aıaqtaý josparlanǵan.
Qazirgi tıbet aýyldarynyń biri
Tıbet qodastar otany. Jergilikti turǵyndar bul janýardy júk tasýǵa paıdalanylyp, etin tutynady. Sonymen qatar sútin de ishedi.
Tıbettik malshylar shatyrda turady jáne janýarlardy baǵyp bir taý bókterinen kelesine kóship-qonyp júredi.
Taýly alqaptardaǵy jylyjaılardy kókónis ósiriledi.
Lhastan Nınchıge deıingi joldaǵy Mıla asýy 5013 metr bıiktikte ornalasqan.
Buralań taý joly óte kóp.
Jol boıyndaǵy kempıngterde tıbettikter sadaq atý qyzmetinen nápaqy taýyp otyr. Bir márte sadaq atý - 1 ıýan (50 teńge)
Nınchıge (Lınchjı) biz qas qaraıa ǵana jettik. Qytaı úkimeti Úndistannyń Arýnachal-Pradesh shtatynyń shyǵys bóligin de óz terrıtorııasy okrýginiń quramyna kiredi dep sanaıdy. Al oǵan Úndistan kelispeı otyr.
Nınchı okrýginde 4206 bıiktikte Lýlan ormanyn kórýge arnalǵan munara bar. Bul oryn bulttarmen astasyp jatyr.
Osy orman ataýymen atalatyn Lýlan aýylynda 1366 adam turady. 2010-2015 jyldary bılik 400 tósek orynǵa arnalǵan týrıstik qalashyq pen jergilikti turǵyndarǵa baspana salýǵa 3,3 mlrd. ıýan (500 mln. dollar) bóldi.
Bul jerde mektep te salynǵan. Al oǵan deıin aýyl balalary birneshe saǵattyq jerdegi okrýg ortalyǵyna baryp bilim alýǵa májbúr edi.
Bılik Lýlandy Tıbettiń ekologııalyq týrızm ortalyǵyna aınaldyrýǵa nıetti.
Poly Group korporatsııasy aýylda 143 nómiri men prezıdenttik apartamentteri bar «Artel Linzhi Poly Lulang» dep atalatyn 5 juldyzdy qonaq úı salǵan.
17 jastaǵy tıbet qyzy Baıma Tszytszo qyzmetshilikti úırenýde jáne qonaq úıden taǵlymdamadan ótýde. Óz taǵdyryn dál osy jermen baılanystyrmaq. Onyń ata-anasy malshylar. Olar Lýlannan 400 shaqyrym jerde turady.
Úkimet týrıstik bıznesti damytý úshin jergilikti turǵyndarǵa sýbsıdııa bóledi, malshylar týrısterge arnalǵan kerýen saraılaryn salǵan.
Djasıgan aýylynda kúıeýimen jáne 4 balasymen turatyn 36 jastaǵy tıbettik La Mý týrısterge bir tósek oryndy táýligine 60 ıýanǵa (3000 teńge) jalǵa beredi.
«Biz 2008 jylǵa deıin tek shóp pen sańyraýqulaq jınaýmen, sonymen birge mal ósirýmen aınalystyq. Týrısterdi qabyldaı bastaǵannan keıin biz jylyna 100 myń ıýannan astam (15 myń dollar) tabys tabatyn boldyq. Bizdiń 32 mý (2 gektar) jerimiz bar. Onda kartop pen qyzanaq ósiremiz. Sharýashylyǵymyzda 40 qodas pen 8 shoshqa bar. Bizdiń aýyldaǵy 60 otbasynyń jartysyna jýyǵy qonaq úı bıznesimen aınalysady», - dedi ol QazAqparat tilshisine bergen suhbatynda.
La Mýdyń úıinde týrısterge arnalǵan 25 bólme bar. Onyń árqaısysynda 2 tósekten qoıylǵan.
Bólmede turý aqysyna tamaq shyǵyny da kiredi.
La Mý sheteldik tilshilerge qodas sútinen jasalǵan kurttan dám tatqyzyp, tuzdy sútti shaı berdi.
