The Washington Post bas dırektory qyzmetinen ketti

ASTANA. KAZINFORM — The Washington Post basylymynyń baspageri jáne bas dırektory Ýıll Lıýıs gazettegi qyzmetkerlerdiń jappaı qysqartýynan keıin qyzmetinen ketetinin málimdedi, dep habarlaıdy Reuters.

— The Washington Post basylymyndaǵy eki jyl jumystan keıin, ketýim úshin durys ýaqyt keldi… Meniń jumys istegen ýaqytymda The Post-tyń turaqty bolashaǵyn qamtamasyz etý jáne mıllıondaǵan oqyrman úshin kúndelikti joǵary sapaly, beıtarap jańalyqtardy jarııalaýda qıyn sheshimder qabyldandy, — dep jazdy Lıýıs qyzmetkerlerge jazǵan hatynda.

Endi The Washington Post baspageri men bas dırektorynyń mindetin gazettiń qarjy dırektory Djeff D ' Onofrıo atqarady.

Aıta keteıik, Ýıll Lıýıs gazettiń baspageri jáne bas dırektory qyzmetine 2023 jyly keldi. Oǵan deıin bul qyzmetti 10 jylǵa jýyq Fred Raıan atqardy.

Eske salaıyq, buǵan deıin bedeldi The Washington Post basylymy Mańǵystaý oblysynyń landshafttaryna nazar aýdarǵan edi.