The WallStreet Journal : «Jankeshtide fýtbolǵa bıleti bolǵan, biraq ony kúzet stadıonǵa kirgizbegen»
ASTANA. QazAqparat - Lańkes Frantsııa-Germanııa oıynynyń 15-shi mınýtynda minbege kirmekshi bolǵan.
«Stad de Frans» mańynda shahıd beldigin jarǵan jankeshtilerdiń birinde Frantsııa-Germanııa oıynyna bılet bolǵan, dep habarlady The Wall Street Journal jýrnalısi Sem Ýoker. Alaıda kúzetshilerdiń biri lańkesti oıynnyń 15-shi mınýtynda tinte bastaǵanda, ol jarylǵysh zatty jaryp jibergen.
Stadıonǵa jaqyn jerde taǵy eki jarylys oryn aldy.
Juma keshke Parıjde terrorlyq akti serııasy oryn aldy. Belgisiz bireýler frantsýzdyq astananyń 10-shy okrýgindegi meıramhanalardyń birinde atys uıymdastyrdy. Frantsýz prezıdenti Fransýa Olland qatysqan Frantsııa men Germanııa fýtbol quramasynyń joldastyq matchy ótip jatqan «Stad de Frans» stadıonyna jaqyn jerde taǵy úsh jarylys oryn aldy.
Budan basqa, 11-shi okrýgte «Bataklan» teatrynda rok-kontsertte belgisiz bireýler adamdardy kepilge alǵan. Parıj meri lańkestik saldarynan kemi 150 adam qaza tapqanyn málimdedi. 110-nan astam adam kepilge alǵan kezde qaza tapqan, taǵy 40 adam astananyń basqa aýdandarynda uıymdastyrylǵan lańkestik qurbany boldy. Foto: © AP Photo/ Michel Euler
