The Wall Street Journal: Úıden jumys isteýdiń artyqshylyqtary
NUR-SULTAN. QazAqparat - Jumys keńseden úıge aýysqan kezde, jaǵdaı da ózgeredi. Mundaı kezde jumys ónimdiligi men densaýlyqty saqtap qalý úshin ne isteý kerek? Osyndaı suraqtarǵa qatysty tájirıbeli frılanser óz keńesin aıtty, dep habarlaıdy QazAqparat The Wall Street Journal-ǵa silteme jasap.
Avtordyń aıtýynsha, koroanvırýs pandemııasy kezinde kóptegen adam úıden jumys isteý máselesimen alǵash ret betpe-bet jolyqty. Maqala avtory óziniń 22 jyl úıde jumys istegenin jáne sońǵy tór jylda kúıeýiniń de qashyqtan jumys isteýge kóshkenin aıta kele, oqyrmandarmen óz tájirıbesimen bólisedi.
«Birinshiden, úıden jumys istegen kezde 8 saǵattyq jumys kúnin umytyńyz. Keńsedegi jumysta bul saǵattardyń kóbi jınalysqa, áriptestermen áńgimelesýge, kezdeısoq úziliskke ketedi. ıAǵnı, keńsedegi 8 saǵatta atqarlatyn jumysty úıde bes saǵatta aıaqtaýǵa bolady. Ekinshiden, kúnine úsh mindet qana josparlaý qajet. Bul ásirese jumys kestesin qajet etpeıtin mamandyq ıeleri úshin jaqsy. ıAǵnı, bir kúnge josparlanǵan birneshe jumys aıaqtalǵanda jumys ta bitti degen sóz», - dep jazady avtor.
Maqalada avtor ýaqyt basqarýdyń jańa formatyna kóshýdi usynady. Mysaly, Timing.app nemese ManicTime sekildi kompıýterge arnalǵan baǵdarlamalardy paıdalanýǵa bolady. Bul qosymsha jumys ýaqytyn eseptep otyrady.
«Tabıǵı energetıkalyq tsıkldy saqtańyz. Túni boıy jumys istep, erteńinde sharshap júrý eshkimge de qajet emes. Sonymen qatar áriptestermen qarym-qatynasty saqtap qalý da mańyzdy. Sol sebepti olarmen jumys barysyn talqylaǵannan keıin 5-10 mınýt áńgimelesýge de bolady. Taǵy bir aıta keterligi, úıde jumys istegende fızıkalyq belsendilik tómendeıdi. Sol sebepti qadam ólsheıtin baǵdarlamalardy qoldanyp, kóp qımyldaýǵa tyrysý kerek», - dep jazady avtor.
