The Ring jýrnalynyń redaktory Júkembaevtyń jetistikterin qadaǵalamaqshy
ASTANA. QazAqparat - The Ring jýrnalynyń bas redaktory Dýglas Fısher qazaqstandyq boksshy Batyr Júkembaevtyń jetistikterin erekshe baǵalap otyr, dep jazady Sports.kz.
«Maǵan Júkembaevtyń is-qımyldary qatty unaıdy. Ol óziniń solaqaılyǵyna qaramastan myqty boksshy. Monreal jankúıerleri jartylaı salmaqtaǵy boksshyǵa kóp úmit artady. Men onyń kezdesýlerin aldaǵy ýaqytta jiti qadaǵalap otyratyn bolamyn»,-dedi Fısher óziniń tvıtterdegi akkaýntynda.
Qazaqstandyq boksshy Batyr Júkembaev (10-0, 9 KO) Lavaladaǵy (Kanada) boks keshinde óner kórsetti. Jartylaı salmaqtaǵy 8 raýndtyq kezdesýde ol amerıkalyq Ýılbert Lopesti (20-8, 14 KO) jeńdi. Osylaısha batyr ázirge eshkimnen de jeńilip kórmegen boksshy retinde jeńisterin jalǵastyryp keledi jáne ol 11 ret qarsylasynan basym tústi.
