The Ring: «Týreano Djonson - Gennadıı Golovkınniń kelesi qarsylasy ma?»
ASTANA. QazAqparat - Boks jónindegi tanymal The Ring basylymynyń jýrnalısi Maıkl Výds Gennadıı Golovkınniń kelesi qarsylasy Saýl Alvares emes, Týreano Djonson bolýy yqtımal ekenin aıtady, dep habarlaıdy Sports.kz.
«Dennı Djeıkobs WBO tujyrymy boıynsha esh jeńilip kórmegen burynǵy chempıon Pıter Kýıllındi oısyrata jeńgen kezde jurtshylyqtyń orta dıvızıonǵa degen qyzyǵýshylyǵy odan beter arta tústi.
Al Gennadıı Golovkın qashan tuǵyrdan taıǵanynsha, orta salmaqtaǵy bastysy bolyp qala beredi.
The Ring chempıony Saýl Alvares 155-ten 160 fýntqa aýysyp, Golovkınmen aıqasqa shyǵatyn túri kórinbeıdi, demek IBF/WBA tıtýlynyń ıegeri Gennadıı Golovkınge basqa qarsylas izdeýge týra keledi.
Menińshe, buǵan bagamdyq boksshy Týreano Djonson laıyqty. Ol 17 qazanda Imonna O'Keınany jeńdi. Óziniń myqtylyǵyn dáleldep, IBF reıtınginde birinshi orynǵa shyqty», - dep jazdy avtor.
