The Ring bas redaktory: Golovkınniń komandasy - minsiz ujym
ASTANA. QazAqparat - The Ring jýrnalynyń bas redaktory Dýglas Fısher qazaqstandyq bylǵary qolǵap sheberi Gennadıı Golovkın (37-0-1, 33 KO) men onyń bapkeri Abel Sanches jáne promoýteri Tom Lefflerdiń yntymaqtastyǵyna asa joǵary baǵa berdi, dep jazady Sports.kz.
«Shyn máninde úzdik bapker men promoýterdi tańdaý múmkin emes. Tek olardyń keıbirine asa talantty boksshylardy kezdestirýdiń sáti túsedi, sondyqtan da olar jarqyrap kózge túsedi. Biraq bul olardyń basqalardan jaqsy ekenine dálel bola almaıdy. Al eger daryn ıesi ózine laıyqty bapker men promoýterge kezdesse, olardyń ujymy ózgelerge qaraǵanda kóbirek jetistikterge jetedi. Osy turǵydan alǵanda, Gennadıı Golovkın, Abel Sanches jáne Tom Leffler ujymyn minsiz dep aıtýǵa bolady», - deıdi Fısher.
Eske sala keteıik, Golovkın 5 mamyr kúni rıngke oralyp, meksıkalyq Saýl Alvarespen (49-1-2, 34 KO) revansh ótkizedi.
