«The Planet of ART-2022» halyqaralyq baıqaýy márege jetti
Uıymdastyrýshylardyń aıtýynsha, «The Planet of ART - 2022» baıqaýynyń kórkemdik tsıkli Jibek joly fenomeniniń kóp qyrly murasyn jan-jaqty zertteýge arnaldy.
«Jibek joly: mádenı mura», «Jibek joly: ınnovatsııalar» jáne «Jibek joly: Halyqtar Dostyǵy» nomınatsııalary boıynsha jobaǵa 3 pen 18 jasqa deıingi 8 myńynan astam bala qatysty.
Ádil qazylar alqasynyń sheshimi boıynsha 50 jeńimpaz anyqtalyp, olar Qazaqstannyń ońtústik astanasy – Almaty qalasynda ótken festıvaldiń fınalyna qatysty.
Balalarǵa Qazaqstan Respýblıkasynyń jetekshi pedagogtary men jáne óner qaıratkerleriniń sheberlik synyptary men trenıngterinen ótýge biregeı múmkindik berildi.
Qazaqstandyq Ulttyq ıÝNESKO klýbtary federatsııasynyń prezıdenti Bolat Aqsholaqovtyń aıtýynsha, shyǵarmashylyq pen ónerdi biriktirgen bul joba jastardyń sanasynda beıbitshilik pen jaqsylyq ıdeıalaryn nyǵaıtýǵa óz septigin tıgizbek.
Іs -sharanyń mańyzdy oqıǵalarynyń biri «The Planet of ART – 2022» festıvaliniń fınalısteri men jeńimpazdarynyń 500-ge jýyq jumystary engen «Jibek Joly Murasy» atty balalar albomy boldy.
«2022 jyl – bul balalar jyly jáne olardyń talantyn qoldaýdan mańyzdy eshteńe joq. Men olardyń barlyǵyn laıyqty bolashaq kútip turǵanyna shyn júrekten senemin. Bul joba, qatysýshylarǵa, óz jumystarymen bólisýge jáne sheberlikterin kórsetýge múmkindik berip qana qoımaı, halyqtardy biriktirip, jastardy beıbitshilik pen jaqsylyq ıdeıalaryn nyǵaıtýǵa baǵyttady», - dep atap ótti Bolat Aqsholaqov.