The Objective: Ispanııa elektr qýatynyń sónýinen €1 mlrd shyǵyn kórýi yqtımal
ASTANA. KAZINFORM – Elektrmen qamtamasyz etý júıesiniń isten shyǵýynan Ispanııa ekonomıkasyna keletin shyǵyn €1 mlrd jetýi múmkin. Bul týraly jergilikti The Objective basylymy jazdy, dep habarlaıdy reseılik TASS.
Basylymǵa suhbat bergen sarapshylardyń pikirinshe, júıeniń isten shyǵýy Ispanııa ishki jalpy ónimine aıtarlyqtaı yqpal etýi yqtımal. Sebebi kóptegen kásiporyndar jumysyn toqtatýǵa májbúr boldy. Koroldiktiń ishki jalpy óniminiń kólemi sarapshylardyń boljamynsha, kúnine €4 mlrd bolady. Bul sannyń 14 paıyzy ónerkásip salasynyń úlesinde (shamamen €575 mln). Taǵy 12 paıyzy qyzmet kórsetý salasyna tıesili (shamamen 500 mln). Jalpy alǵanda Ispanııa ekonomıkasynyń shyǵyny €1 mlrd jetýi yqtımal.
Osyǵan deıin Ispanııanyń energııa jelisiniń operatory Red Electrica tutyný kóleminiń 99,16% qalpyna kelgenin habarlady.
28 sáýir kúni Ispanııa men Portýgalııada elektr jelisi isten shyǵyp, mollıondaǵan adam jaryqsyz qaldy.
Euronews telearnasynyń habarlaýynsha, elektr jelisindegi problemalar týraly sondaı-aq Andorra men Ispanııamen shekaralas jatqan Frantsıanyń keıbir aýdandary da habarlady.