The Jigits toby jańa ınsta-beınebaıanyn usynady
ALMATY. QazAqparat - The Jigits toby Almatyda ınsta-beınebaıanyn kópshlik nazaryna usynady.
Rınat Ǵaısın men Baıǵalı Serkebaevtyń tálim alýshylary «STOP» ánine jańa formatta beınebaıan túsirgen bolatyn.
Ideıa avtory A STUDIO ánshisi Baıǵalı Serkebaevtyń qyzy, Central Saint Martins London ýnıversıtetiniń stýdenti Sana Serkebaeva. Túsirilim jumystary byltyr qarashada Londonda ótken.
Instagramda 15 sekýndtan artyq vıdeo jarııalanbaıtynyna baılanysty, klıp 14 bólikke bólingen.
«Vıdeo qazirgi shyǵyp jatqan formattan erekshe bolyp shyqty. Temza jaǵalaýy, Gaıd-parktegi velosıpedter, jantalasqan tirshilikten alshaqtyq, mamyrajaı ómir sýretteledi. Baıaǵy Bıtlz zamanyna túskendeı bolasyz», - dedi Baıǵalı Serkebaev.
Klıptiń premerasy 4 naýryzda barlyq TMD telekanaldarynda ótedi. Almatyda toptyń fanattary men jýrnalıster 4 naýryzda China Gold Lounge & Night Club barynda kezdese alady.
Jıynǵa Music-Cola, Dılnaz Ahmadıeva, Aıqyn, Maqpal Isabekova, Alı Oqapov, Lıdo, Ademi keledi.
