The Finiko qarjy pıramıdasynyń basyndaǵy úsh adam qamaýǵa alyndy

NUR-SULTAN. QazAqparat - Qarjylyq monıtorıng agenttiginiń Almaty qalasyndaǵy aýmaqtyq departamenti prokýratýramen birlesip The Finiko qarjy pıramıdasy fılıalynyń basshylyǵyna qatysty sotqa deıingi tergeýdi júrgizýde, dep habarlaıdy QazAqparat.

Finiko uıymdastyrýshylaryna qatysty sotqa deıingi tergeý barysynda 300-den astam adam aryz berip, shyǵyn kólemi 1,8 mln AQSh dollaryn jáne 630 mln teńgeden astam somany quraǵan.

«Qarjy naryǵyn retteý jáne damytý agenttiginiń qorytyndysyna sáıkes, The Finiko sımýlıator bolyp tabylady jáne qatysýshylar bul baǵdarlamany saýda men ınvestıtsııalaýdyń alańy dep, aqsha salady. Al kompanııanyń ózi dúnıejúzilik qor bırjalarynda tirkelmegen. Qylmystyq is boıynsha úsh adam qamaýǵa alynyp, basqa tulǵalardyń qatysy anyqtalýda», - dep jazdy Qarjylyq monıtorıng agenttiginen.