The Economist Ózbekstandy Jyl eli dep atady
LONDON. QazAqparat - Brıtanııanyń The Economist jýrnaly Ózbekstandy Jyl eli dep atady. Basylym Ózbekstannyń áli uzaqqa baratynyn, sondaı-aq 2019 jyly bir de bir el dál osylaı naqty qadam jasamaǵanyn atap ótti, dep habarlaıdy QazAqparat.
Árbir jeltoqsan aıynda jýrnal jyl boıy ilgerilegen memleketke «Jyl eli» ataǵyn beredi. Ótken jyldyń jeńimpazy Armenııa bolǵan edi.
Maqalada nebári úsh jyl buryn Óbekstannyń jabyq qoǵamdy, postkeńestik eski el bolǵany aıtylady.
Shavkat Mırzıeevtiń kelýimen is alǵa basty. 2018 jyly qaýipsizdik qyzmetiniń basshysy otstavkaǵa jiberildi. Mırzıeev reformalardy bastady, sonyń arqasynda negizinen alǵanda májbúrli jumystar toqtatyldy. Sheteldik jýrnalısterdiń elge kirýine ruqsat etildi, al sheneýnikterge shaǵyn bızneske «tıisýge» tyıym salyndy.
Basylym Ózbekstannyń jańa jylǵa deıin parlament saılaýyn ótkizýi tıistigin eske salady.
Sondaı-aq, The Economist Soltústik Makedonııa men Sýdannyń jetistikterin de atap ótken. Atalǵan elderdiń alǵashqysy aqpan aıynda óziniń ataýyn ózgertti, osylaısha óziniń jaqyn kórshisi Grekııamen qarym-qatynasyn jaqsartty. Sonymen qatar, Soltústik Makedonııa NATO-ǵa kirý protsesine daıyndyq ústinde. Sýdan óz kezeginde Omar ál-Bashır rejıminen qutyldy.
