The Beatles tobynyń múshesi Djon Lennonnyń gıtarasy aýktsıonda rekordtyq baǵaǵa satyldy
Ulybrıtanııalyq tanymal The Beatles tobynyń múshesi, mýzykant, kompozıtor Djon Lennonnyń 50 jyldan keıin shatyrdan tabylǵan áıgili gıtarasy aýktsıonda rekordtyq baǵaǵa satyldy. Bul týraly Euronews jazdy.
Nıý-Iorktegi Hard Rock kafesindegi aýktsıonnyń birinshi kúninde 12 ishekti akýstıkalyq gıtara rekordtyq 2,9 mıllıon dollarǵa (2,68 mıllıon eýro) baǵalandy. Osylaısha ol aýktsıonda satylǵan The Beatles kvartetiniń eń qymbat gıtarasyna aınaldy.
Aıta keteıik, mýzykalyq aspap kezdeısoq 90 jastaǵy er adamnyń shatyrynan tabylǵan. Keıin onyń Beatles múshelerimen dostyq qarym-qatynas ornatqany, alpysynshy jyldary «Pıter men Gordon» pop-dýetiniń menedjeri bolǵany anyqtaldy. Dýet músheleriniń biri Gordon Ýoller gıtarany 1965 jyly Lennonnan alyp, kóp ótpeı menedjerine syıǵa tartqan.
