The Beatles tobynyń búkil tórt múshesi shyrqaǵan sońǵy áni jaryqqa shyǵady
Álemge tanymal The Beatles rok-tobynyń taraǵanyna 50 jyldan astam ýaqyt ótti, kvartettiń eki múshesi dúnıeden ótip ketti. Biraq jasandy ıntellektiń arqasynda aty ańyzǵa aınalǵan toptyń jankúıerleri onyń «jańa» ánin estıdi. Bul týyndy kelesi aptada shyǵady. Kazinform agenttigi bul týraly Euronews jańalyqtaryna silteme jasap habarlaıdy.
Bári de áleýmettik jelilerde The Beatles-ǵa qatysy bar Lıverpýldiń kórnekti jerleriniń fotosýretteri taraǵannan bastaldy.
Fotoda eski aýdıokasseta beınesi proektsııalanǵan. Jumbaq joldaý jańa án shyǵatynyn aldyn ala ańǵartty.
Kóp ýaqyt ótpeı án týraly resmı málimdeme jasaldy.
Now And Then kompozıtsııasy 2 qarasha kúni sıngl retinde shyǵady, artqy jaǵynda Love Me Do bar vınıl (toptyń 1962 jyly shyqqan eń alǵashqy sıngly) bar.
NOW AND THEN. THE LAST BEATLES SONG. OUT 02.11.23.⁰
— Paul McCartney (@PaulMcCartney) October 26, 2023
'#NowAndThen' is the last @thebeatles song – written and sung by @johnlennon, developed and worked on by Paul, @GeorgeHarrison @ringostarrmusic, and now finally finished by Paul and Ringo over four decades later.
Pre-order… pic.twitter.com/HVGyIPnlgd
Now And Then kompozıtsııasy marqum Djon Lennonnyń Free As a Bird jáne Real Love týyndylary sııaqty jaryqqa shyqpaǵan demo-jazbasynyń partııasynan alyndy.
Ánshiniń toptaǵy áriptesteri ony 1990 jyldardyń ortasynda aıaqtap, shyǵarǵan.
Pol Makkartnı, Rıngo Starr jáne Djordj Harrıson Now And Then sınglyn sol kezde aıaqtaýǵa tyrysty, biraq olarǵa tehnıkalyq shekteýler kedergi boldy.
Rejısser Pıter Djekson jasandy ıntellekt kómegimen Lennonnyń túpnusqa vokalyn 1978 jylǵy jazbada án oryndaǵan fortepıanonyń súıemeldeýinen «aıyrý» arqyly bul problemany sheshti.
Makkartnı men Starr kompozıtsııanyń jumysyn ótken jyly osynyń arqasynda aıaqtaı aldy.
«Mine, Lennonnyń móldir daýysy – osy. Ol óte emotsıonaldy. Biz ony oınaımyz. Bul – The Beatles-dyń túpnusqa jazbasy. 2023 jyly The Beatles mýzykasymen jumysty jalǵastyrý jáne jurtshylyq buryn estimegen jańa ándi shyǵarý óte qyzyq», - dedi Makkartnı.
Kelesi sársenbide, ánniń shyǵýyna bir kún qalǵanda, jelige Now And Then áni qalaı jańadan shyǵarylǵanyn kórsetetin 12 mınýttyq fılm shyǵady.
10 qarashada «1962-1966» jáne «1967-1970» «Qyzyl» jáne «Kók» albomdarynyń keńeıtilgen nusqalary shyǵady.
Sońǵy jınaqqa 1970 jyldan áldeqaıda keıinirek jazylǵanyna qaramastan Now And After áni de kiredi.
