Tez.kz týroperatorynyń týrısteri Qazaqstanǵa qaıtarylady
ASTANA. KAZINFORM – Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń ákimshisi «Týrıstik Qamqor» KQ aqparaty boıynsha TEZ.KZ týroperatory qyzmetin toqtatqanyn habarlady.
Atalǵan týroperator QR azamattarynyń shyǵý týrızmi salasyndaǵy quqyqtaryna kepildik berý júıesiniń qatysýshysy canalady. Búginde shetelde bul týroperatordan 300-den astam qazaqstandyq týrıst bar.
Máseleni sheshý úshin QR Týrızm jáne sport mınıstrligi múddeli taraptarmen jedel keńes ótkizdi. Osylaısha, mınıstrliktiń qoldaýymen TEZ.KZ týroperatorynyń barlyq týrısti Qazaqstanǵa týroperatordyń kepildik júıesinde jınaqtaǵan qarajaty esebinen qaıtarylady. Kepildendirilgen qaıtarýdyń alǵysharty - týrkodynyń bolýy.
Týrısterge týrıstik ónimde kórsetilgen kelý kúnderine sáıkes Qazaqstanǵa qaıtý bıletimen qamtamasyz etiledi.
2016 jyldan bastap týroperator satatyn árbir týrda TÝRKOD bolýy kerek - biregeı áriptik-tsıfrlyq mán. Týrkodtyń áreketi Qazaqstan Respýblıkasynyń shekarasynan ótken kezden bastalady jáne týroperatordyń óz mindettemelerin oryndaýy/oryndamaýy múmkin bolmaǵan jaǵdaıda tez arada qaıtarylýyna kepildik beredi. Árbir uıymdasqan týrıst ony talap etýi kerek.
Qordyń negizgi maqsaty - týrıst sanalatyn Qazaqstan Respýblıkasynyń azamattarynyń týroperatordyń óz mindettemelerin oryndaý múmkindigi bolmaǵan jaǵdaıda ýaqytsha bolatyn elden Qazaqstan Respýblıkasynyń aýmaǵyna tez oralýyn qamtamasyz etý.
Týrısterdiń qaıtarylýy boıynsha barlyq suraqqa qatysty tómendegi telefon nómirlerine habarlasýǵa bolady:
1) «Týrıstik qamqor» KQ dırektory - Esılov Asylhan Býrambekovıch, tel. 74-51-58, +7-701-534-05-08;
2) QR TSM Týrızm ındýstrııasy komıtetiniń Basqarma basshysy - Aýezov Meırjan Ibadýllaevıch, tel. 74-07-71, +7-701-553-20-64.
