Tejegish pen gazdy shatastyryp alǵan júrgizýshi jol apatyna sebepshi boldy
ALMATY. QazAqparat - Almatyda KIA markili kóligin basqaryp kele jatqan áıel júrgizýshi jol apatyna sebepshi boldy, dep habarlaıdy QazAqparat tilshisi oqıǵa ornynan.
Jol-kólik oqıǵasy Momyshuly men Shalıapına kósheleriniń qıylysynda boldy. Áıel adam basqaryp kele jatqan KIA markili kóligi ońtústikke qaraı baǵyt alyp bara jatyp, Shalıapına kóshesiniń boıynda ońǵa qaraı burylmaq bolǵan.
Júrgizýshi áıeldiń sózinshe, ol tejegish pen gazdy shatastyryp alyp, joldyń qarsy jolaǵyna shyǵyp ketken, nátıjesinde BMW markili kóligimen soqtyǵysqan.
Jol apatynyń saldarynan soqtyǵysyp qalǵan eki kólikte otyrǵan 4 adam zardap shekti. Jedel járdem qyzmeti kelgen soń KIA kóliginde otyrǵan er adam men áıel aýrýhanaǵa barýdan bas tartty. BMW kóliginiń júrgizýshisi men jolaýshysy aýrýhanaǵa jetkizildi.
