Testileýge jiberiletin «A» korpýsynyń kadr rezervine kandıdattardyń tizimderi iriktelýde
ASTANA. 4 mamyr. QazAqparat - Qazaqstan Respýblıkasy Memlekettik qyzmet isteri agentigi 3 sáýir men 3 mamyr aralyǵynda bir aı ishinde «A» korpýsynyń kadr rezervine alýǵa kandıdattardyń qujattaryn qabyldaýdy júzege asyrdy.
Qujattardy qabyldaý qolma-qol, poshta jáne elektrondy poshta boıynsha júzege asyryldy. Qujat tapsyrǵan kandıdattardyń tizimi kúndelikti Agenttiktiń saıtynda jańartylyp otyrdy.
«A» korpýsynyń kadr rezervine 1984 kandıdattan, olardyń arasynda memlekettik qyzmet atqaratyn da memlekettik qyzmet atqarmaıtyn da kandıdattardan qujattar tústi.
Qazirgi ýaqytta kandıdattardyń qujattary «A» korpýsynyń laýazymdaryna qoıylatyn arnaıy biliktilik talaptaryna sáıkestigine jáne «Memleketttik qyzmet týraly» Zańǵa sáıkestigine tekserilip jatyr. Qujattardy qaraý qorytyndysy boıynsha kandıdattardy testileýge jiberý nemese jiberýden bas tartý týraly sheshim qabyldanady.
Testileýge jiberiletin kandıdattardyń tizimi qalyptastyrylýda. Testileý 15 mamyrda bastalady jáne tek Astanada ótkiziledi.
Testileý qorytyndysy boıynsha óńirlik kadr komıssııasyna testileýdi tabysty tapsyrǵan:
jergilikti atqarýshy organdardyń memlekettik qyzmetshisi;
ortalyq memorgandar aýmaqtyq basqarmasynyń memlekettik qyzmetshisi bolyp tabylatyn kandıdattardyń;
olardyń tirkelý orny boıynsha memlekettik qyzmetshi bolyp tabylmaıtyn kandıdattar jóninde aqparat joldanatyn bolady.
Áńgimelesý kestesi Agenttiktiń www.kyzmet.gov.kz saıtynda jarııalanatyn bolady.
Óńirlik kadr komıssııalarynyń baılanys derekteri Agenttiktiń www.kyzmet.gov.kz saıtynda ornalastyrylǵan.
Áńgimelesý qorytyndysy boıynsha óńirlik kadr komıssııalary usynystaryn Qazaqstan Respýblıkasynyń Prezıdenti janyndaǵy Kadr saıasaty jónindegi ulttyq komıssııasyna joldaıdy.
