Test synaǵyn tapsyrýshy túlekter ótken jylǵyǵa qaraǵanda eki myń adamǵa kóp - Bilim jáne ǵylym mınıstri Janseıit Túımebaev
ALMATY. Mamyrdyń 28-i. QazAqparat /Názıra Eleýhan/ - Bıyl Ulttyq biryńǵaı testileý 7-shi ret ótkiziledi. Test tapsyrýshy túlekter ótken jylǵyǵa qaraǵanda eki myń adamǵa kóp, Altyn belgiden úmitkerler - 682-ge artyq. Bul týraly búgin Almatyda QR Bilim jáne ǵylym mınıstri Janseıit Túımebaev Ulttyq birińǵaı testileýge qatysty brıfıngte málim etti,
dep habarlaıdy QazAqparat.
Onyń aıtýynsha, barlyq oblystar men Astana, Almaty qalalarynda aqparattyq túsindirme jumystary júrgizilgen. «Jyldan jylǵa biz aldyǵa qaraı damýdamyz, barlyq usynystardy qarap, olqylyqtardyń aldyn alyp, suraq qatelerin durystadyq. Barlyq suraqtar mektep baǵdarlamasynan alyndy», dep atap ótti mınıstr.
Brıfıng barysynda mınıstr, sondaı-aq ótken jyly mektep bitirgender men jalpy bilim beretin pánder boıynsha bıylǵy jylǵy halyqaralyq olımpıada qatysýshylary jáne halyqaralyq almasý jelisi boıynsha bilim alýshylar úshin Keshendi testileý ótetinin habarlady. «Keshendi testileý 17-23 shilde aralyǵynda tórt pán boıynsha: matematıka, ana tili, Qazaqstan tarıhy jáne ózi tańdaǵan páni boıynsha júrgiziledi», dedi ol.
Mınıstr sonymen qatar, «UBT joǵary oqý ornyna túsýshilerge arnalǵan, tapsyrǵysy kelmese, ol óz erikterinde. Búginde elimizde kóptegen kásiptik- tehnıkalyq oqý oryndary bar. Sondaı-aq, shet elderde elimizden 25 000 jas óz qarajattarymen bilim alyp jatyr», dedi.
