19:25, 11 Aqpan 2025 | GMT +5
Tesla Shanhaıda Megapack akkýmýlıatorlary óndirisin iske qosty
ASTANA. KAZINFORM — Amerıkalyq Tesla kompanııasy seısenbide Shanhaıda Megapack energııa saqtaý batareıalarynyń óndirisin bastady, dep habarlaıdy Xinhua aqparat agenttigi.
Bastapqy kezeńde bul megafabrıkanyń jyldyq óndiris kólemi elektr qýatynyń jalpy kólemi shamamen 40 GVt/saǵ bolatyn 10 myń Megapack energııa jınaqtaýyshyn quraıdy.
Shanhaıdaǵy jańa Tesla zaýytynyń jalpy aýdany 200 myń sharshy metrge jetedi.
Shanhaı pılottyq erkin saýda aımaǵynyń Lıngan jańa aımaǵyn basqarý komıtetiniń málimetinshe, bul jobaǵa shamamen 1,45 mlrd ıýan (shamamen 202 mln dollar) ınvestıtsııa salynǵan.
Eske sala ketsek, ótken jyly amerıkalyq avtomobıl óndirýshisi Tesla Inc. Shanhaıda jańa gıgafabrıka salýǵa ruqsat aldy.