Tesla satylymy tómendep barady

ASTANA.KAZINFORM — Tesla satylymy Germanııada quldyraýyn jalǵastyryp otyr, dep habarlaıdy DW.

Bul 2025 jyldyń tamyzyna arnalǵan Federaldyq avtokólik agenttiginiń (KBA) esebinen belgili boldy. Atalǵan aıda Germanııada Tesla markaly nebári 1441 elektromobıl tirkelgen, bul ótken jyldyń sáıkes kezeńimen salystyrǵanda 39 paıyzǵa az.

Sonymen qatar basqa elektr kólikterine suranys burynǵysynsha joǵary bolyp otyr: olardyń satylymy jalpy 45,7 paıyzǵa ósip, 39 367-ge jetken. Bul shamamen árbir besinshi jańa kólikke teń. Naryqta nemis óndirýshileri, eń aldymen Volkswagen basymdyq tanytty.

KBA esebine sáıkes, qytaılyq kólikter – BYD pen MG sekildi brendter – EO engizgen joǵary baj salyǵyna qaramastan Tesla-ny qýyp jetip nemese tipti basyp ozýda.

Tesla satylymdarynyń aıtarlyqtaı quldyraýy búkil Eýropada baıqalady, ásirese Frantsııa men Shvetsııada. 

Aıta ketelik Tramptyń kesirinen Tesla kompanııasy tek baj salyǵyna bola 300 mln dollar joǵaltqan edi.