Tesla robotaksı qyzmetin jýyrda iske qospaqshy

ANKARA.KAZINFORM — Alǵashqy synaq saparlary 22 maýsymda Ostınde bastalýy múmkin, dep jazdy Anadoly agenttigi.

Amerıkalyq mıllıarder, Tesla jáne SpaceX kompanııalarynyń ıesi Ilon Mask 22 maýsymda júrgizýshisiz taksı (robotaksı) qyzmetin iske qosýdy josparlap otyrǵanyn málimdedi. Bul týraly ol X áleýmettik jelisindegi paraqshasynda jazdy.

Masktyń aıtýynsha, júrgizýshisiz elektr kólikterimen alǵashqy synaq saparlary Tehas shtatynyń Ostın qalasynda bastalýy múmkin.

— Biz qaýipsizdik máselesine asa muqııat qaraımyz, sondyqtan iske qosý kúni ózgerýi múmkin, — dedi ol.

AQSh-tyń buqaralyq aqparat quraldarynyń habarlaýynsha, jańa qyzmettiń iske qosylýy ınvestorlar, Ýoll-strıt sarapshylary men avtokólik jankúıerleri tarapynan úlken qyzyǵýshylyq týdyrǵan. 

Ótken aıda CNBC telearnasyna bergen suhbatynda Mask robotaksı qyzmetiniń alǵashqy kezeńinde qashyqtan basqarylatynyn jáne tek arnaıy qaýipsiz dep tanylǵan aımaqtarda ǵana qozǵalatynyn naqtylaǵan edi.

Aıta keteıik, Ilon Mask Tramptan keshirim suraǵanyn jazǵan edik.