Tesla kompanııasy turǵyn úıge elektr batareıalaryn shyǵarady
ASTANA. QazAqparat - Kalıfornııalyq Tesla kompanııasy úıler men páterlerdi elektr energııasymen qamtamasyz etýge arnalǵan elektr batareıalaryn jasap, shyǵarýǵa kiristi, dep habarlady TASS.
Bul týraly kompanııanyń basshysy, belgili ónertapqysh jáne kásipker Ilon Mask onyń tanystyrylymynda málim etken.
Buǵan deıin Tesla elektr dvıgateldi avtomobıl óndirisiniń álemdik kóshbasshysy retinde tanymal bolǵan edi. Endi ol úılerdi jáne qoǵamdyq mekemelerdi elektr energııasymen jabdyqtaýdy qolǵa alǵaly otyr.
«Biz naryqqa jańa ónimimizben - Powerwall úı elektr batareıalarymen shyqpaqpyz, - dep málim etti Mask. - Endi Qurama Shtattarǵa munaı men gazdan bas tartyp, jańa energetıkaǵa kóshýine týraly keledi. Biz úılerdi kún energııasy men jańa urpaq batareıalaryn biriktirý esebinen elentr energııasymen qamtamasyz etýge múmkindik beremiz. Ol elektr energııasyn saqtaýǵa da múmkindik beredi».
Powerwall quıma-ıondy batareıasy kún sáýlesimen jumys jasaıtyn generatordan qýat alady. «Biz dástúrli kómirmen, mazýtpen nemese basqa da jerasty qazbalarynan jasalǵan otynmen jumys isteıtin elektr stansalarynan tolyq bas tartýǵa bolatyn júıe jasadyq», - dep málimdedi Tesla basshysy.
Kompanııa osy jylǵy jazdyń sońyna qaraı turǵyn úılerge arnalǵan 10 kVT/saǵattyq batareıalardy 3,5 myń dollardan, 7 kVt/saǵattyq batareıany 3 myń dollardan satýdy kózdep otyr.
