Tesla: Ilon Mask shamamen 1 trıllıon dollar tólem alýy múmkin

ASTANA.KAZINFORM — Tesla-nyń naryqtyq quny 8,5 trıllıon dollarǵa jetken jaǵdaıda, Mask kompanııanyń 12% aktsııasyn alýy múmkin, dep jazdy Anadoly agenttigi.

Amerıkalyq elektr kólikterin óndirýshi Tesla kompanııasynyń dırektorlar keńesi bas dırektor Ilon Maskqa qoıylǵan maqsattarǵa qol jetkizgen jaǵdaıda shamamen 1 trıllıon dollar kóleminde tólem usyndy.

Tesla dırektorlar keńesi aktsıonerlerge joldaǵan hatynda kompanııada bas dırektordy uzaqmerzimdi nátıjege yntalandyratyn baǵdarlama joq ekeni jáne Maskty Tesla-ǵa tolyq kóńil bólýge, ony basqarýǵa ári kompanııada qalýǵa yntalandyrý qajettigi aıtylǵan.

Hatta Mask aktsıonerlerge «erekshe» qarjylyq nátıje kórsetip, aldaǵy jyldary Tesla-nyń basqarýshysy bolyp qala berse, oǵan syıaqy tólenetini kórsetilgen.

Mask tolyq kólemde tólem alýy úshin kelesi maqsattarǵa jetýi kerek:

• robot-taksı óndirisi sııaqty jańa baǵyttardy keńeıtý;

• kompanııanyń naryqtyq qunyn 7,5 trıllıon dollarǵa deıin arttyrý.

Sondaı-aq, Mask tolyq syıaqyny alý úshin Tesla-da 7,5 jyldan 10 jylǵa deıin jumys isteýi tıis.

Barlyq maqsattarǵa qol jetkizilgen jaǵdaıda, Tesla «tarıhtaǵy eń qundy kompanııaǵa» aınalady dep kórsetilgen.

Eger Tesla-nyń naryqtyq quny 8,5 trıllıon dollarǵa jetse, Maskqa kompanııa aktsııalarynyń shamamen 12%-y berilmek.

Bul tólemniń jalpy somasy shamamen 1 trıllıon dollardy quraıdy.

Aıta keteıik, 2026 jyly amerıkalyq Neuralink kompanııasy zaǵıp adamnyń kórý qabiletin jartylaı qalpyna keltirý operatsııasyn jasamaqshy.