Tesla Eýropada jetildirilgen júrgizýshige kómek júıesin iske qosty
ASTANA. KAZINFORM – Tesla Eýropada Full Self-Driving (FSD) júıesiniń jańartylǵan nusqasyn kezeń-kezeńimen engize bastady. Alǵashqy el retinde Nıderlandy tańdaldy, dep habarlaıdy DW.
Jańartylǵan júıe júrgizýshiniń mindetti baqylaýymen jumys isteıdi jáne naqty jol jaǵdaılarynan jınalǵan úlken derekter negizinde oqytylǵan. Ol belgilengen shekteýler aıasynda marshrýt boıynsha júrý, jolaq aýystyrý, kedergilerdi aınalyp ótý, burylý jáne avtomatty turaqqa qoıý sııaqty birqatar fýnktsııalardy ózdiginen oryndaı alady.
Sonymen qatar, júrgizýshi árdaıym kólik qozǵalysyn baqylap, qajet bolǵan jaǵdaıda basqarýdy óz qolyna alýǵa daıyn bolýy tıis.
Kompanııa aldaǵy ýaqytta retteýshi organdardan ruqsat alyp, júıeni Eýropanyń basqa elderine de keńeıtýdi josparlap otyr.
Aıta ketý kerek, ataýyna qaramastan Full Self-Driving tolyq avtonomdy júıe emes, ol tek júrgizýshige kómek kórsetetin assıstenttik tehnologııa bolyp sanalady.
Buǵan uqsas fýnktsııalar qazirdiń ózinde AQSh, Kanada, Qytaı, Ońtústik Koreıa jáne basqa da elderde qoldanysta bar.
Aıta ketelik Tesla Sybertruck pıkabynyń qoljetimdi nusqasyn usynǵany týraly jazǵan edik.
